Мисија на училиштето

да ја  поттикнува и развива способноста кај младата личност за негување на здравиот дух во здраво тело, да го афирмира спортот и рекреацијата меѓу младите во државата како најдобар начин на превенција и борба против сите зла што денес и се закануваат на младата личност (дрога, алкохол, пушење, коцка, седативи, малолетничка деликвенција).

Сите заложби на училиштето се во насока на спојување на  интелектуалните, когнитивните, емоционалните и творечки потенцијали на поединецот со неговиот правилен психофизички развој, создавање на здрава личност подготвена за  максимално ангажирање во усвојувањето на квалитетни, трајни и применливи знаења, со помош на наставни методи и техники кои се во склад со современите научно-технолошки текови;

Училиштето пред себе има задача да обезбедува работна клима во која има позитивни емоционални односи и комуникација, меѓусебна доверба, почитување, кооперативност и разбирање на потребите на единката.  обезбедува клима во државата за развој на спортот и рекрецијата како интегрален дел на животот на личноста од најраната возраст , па до староста, разбирајќи го при тоа спортот како најсилен амбасадор на мирот  во светот, а истовремено и како неразделен дел од здравиот општествен живот. Во својата мисија училиштето ќе се грижи за развивање на силна внатрешна мотивација, натпреварувачки дух, иницијативност, иновативност,креативност,и визионерство.

 Нашето училиште овозможува квалитетна и современа настава со еднакви можности за сите ученици, подготвувајки ги за понатамошно образование и соочување со предизвиците на современото општество и гради пријатна клима со  меѓусебна доверба и почитување на учениците, наставниците, родителите и соработка со локалната заедница.

Поважни линкови

• http://ednevnik.edu.mk/
• http://www.mon.gov.mk/
• http://www.e-ucebnici.mk/
• http://bro.gov.mk/
• http://www.veles.gov.mk/               http://skoool.mk/